Botxotik ziberespaziora

  Joan den hilaren bukaeran entzun nuen Iker Lauroba Arriaga Antzokian. Eta berriz ere nabaritu nuen formatu txikiek duten indarra eta abeslariarekiko hurbiltasuna. Hala, Ikerren lanen berri zuzenagoa izan nuen. Besteak beste, Urtaroak proiektua, tetratologia osatuta, bertan behera geratuko dela (edo parentesi  batean sartuko) kontzerturen bat edo beste egin ondoren bestelako asmoei ekiteko. Oso kontzertu polita 👏👏 Formatu txikien indarra eta xarma Zorionak ekimenagatik @Teatro_Arriaga — Iñaki Murua (@imurua) April 25, 2023 Honako hau irakurri diot proiektuari buruz Diario Vasco n ("Negua" diskoaz, zehatzago): "Urtaroekiko sentsazioak oso subjektiboak dira. [...] Gustuen araberakoa da, norberaren pertzepzioan datza. Bilduma honetan urtaroak nik nola sentitzen ditudan islatzen saiatuko naiz". Lau diskoetako kantak aurkeztu eta abestu zituen Laurobak Arriagan, Leire Berasaluzeren (Leire Letu) ahotsaren eta Urbil Artolaren laguntzarekin. Kantetako bat dakarkizut...

 Iker Lauroba ren izena ez zitzaidan ezezagun egiten; bere musika, aldiz, ia ez nuen entzuna; Gorlizen , gainera, ez nuen aukera izan. Bestetik, hemendik agertu denetan laguntzaile gisa izan da: Noa Cliff-ekin , Izarorekin ...  Azken boladan, aldiz, eta egun dauden aukerak baliatuta, Spotify nagusiki, sarri hasi naiz entzuten; buklean ere inoiz.  Bere azken diskoa plazaratu eta aurkeztu berri du donostiarrak. Berrian egindako elkarrizketan adierazi duen bezala , lau urteko ziklo musikala itxi du, urtaroei disko bana eskainiz. Eta azkena udari eskainia izan bada ere, gauden urtaroari erreparatu nahi izan diot neuk oraingoan. Horregatik, 2018ko "Udazkena" diskoko lehenengo abestia dakarkizut ( Le soleil se léve , ekia ari da esnatzen, alegia), estudioko bertsioan ( hemen edo hemen diskokoa, alderatu  nahi baduzu). Tamalez, eta saiatu arren, ez dut lortu " abesti aurkeztua " mailakoa izatea lortu. No es que el nombre de Iker Lauroba me resultase desconocido; de...