Hauteskundeak eta hizkuntza

Como aparece en los dibujos animados, tengo los dos muñequitos, el angelito y el diablillo, diciéndome  uno que me olvide de las elecciones y el otro que escriba sobre ello. Parece que alguno está ganando, jeje, porque ayer lo hice sobre lo 2.0 y hoy la reflexión, en euskera, va sobre el tema lingüístico en las elecciones,  con dos aspectos: 
  • si, a la vista de quienes participan hoy en el debate de EITB (primeros, segundos y terceros espadas) no debería pensarse en, por lo menos, una paridad lingüística en las listas para garantizar un uso serio y coherente del euskera en el Parlamento. 
  • la poco receptiva  postura (lejos del 2.0) del Partido Popular respecto a la lengua, con ejemplos "sangrantes", salvo que, entendido desde el euskera, el mensaje no se deba a un error y vaya en la línea de aquella candidata belga  ;-)


Marrazki bizidunetan agertu ohi diren bi irudi horiek bezala, aingerutxoa eta deabrutxoa alegia, batek hauteskunde kontua ahazteko eskatzen dit (Joxek erabaki duenari jarraiki) eta besteak buelta pare bat emateko aholkatu. Eta bigarren hau nagusitzen ari dela dirudi ;-) Beraz, atzo politikaz eta 2.0az aritu nintzen gazteleraz; gaur hizkuntzari buruzko hausnarketa pare batekin natorkizu.
ETB1ean eta Euskadi Irratian debatea antolatu dute gaurko. EITB.com-etik ere ikusentzun ahal izango da. Baina nire ustez iritzia ez da hori, partaideen kontua baizik. Hau da, lehendakarigaiak izango dira solaskideen artean, zerrenda buruak ere bai, baina zerrendetan atzetik dabiltzanak ere bai. Alderdi bakoitzak hizkuntzarekiko duen jarreraren adibide argia delakoan nago. Eta, hurrengoetara begira, zerrendetan sexu-berdintasunari erreparatu behar zaion bezalaxe, agian pentsatzekoa da hizkuntza-berdintasuna  ere kontuan hartzea. Bestela, nekez erabiliko da benetan euskara legebiltzarrean.

Bigarrena PPkoei dagokie (euskaraz Alderdi Popularra?) Eta ez etxera heldu zaidan propaganda gaztelera hutsez etorri delako (euren erabakia da azken finean) edota Basagoitik administrazioan lanean sartzeko euskara jakitea kentzeko konpromisua adierazi duelako. Urrutiago doa kontua.
Webgunean "euskara" aukera eskaintzen dute, ikurrin eta guzti. Baina hori baliatuta, hainbat eduki itzuli gabe dauzkate. Are okerrago, itzulpen kaskarrak eta abisatuta ere (Antoniok ez omen die Facebook bitartez igorritako mezuei jaramonik egiten eta  alderkideek  blogetan idatzitakoari ere ez; hori da hori 2.0 izateko bide polita) mantendu egiten dituzte. Zeren "ezagutu nahi diguzu?" euskaraz beste zerbait da, nolabait, Belgikan parlamentari izan nahi zuenak iragarri zuenaren ildotikoa ia-ia.

Comentarios

  1. Orain hartu dut PPren propaganda buzoitik, ele bitan bidali didate niri behintzat, eskuorri bat alde banatan euskaraz eta gaztelaniaz, eta nahikoa zuzen idatzita.
    Facebook-en nire laguna izan nahi du Antoniok?

    ResponderEliminar
  2. Auzoaren araberakoa izan liteke, Bontxi ;-)

    Eta Antoniori mezu pertsonala bidali nion Facebook bitartez, baina ez da "nire laguna"... oraindik behintzat :-D

    ResponderEliminar
  3. Euskerarekiko Partido Popularraren jarrera lotsagarria da neure ustetan.

    Arinegun Osakidetzako lan eskeintzetan euskera jakiteak baldintza izatea kenduko daualak emoten dau bere konpromesuaren neurria.

    Pertsona batek ez badau medikuagaz bere hizkuntzean hitz egiteko eskubiderik, zertan eukiko dau orduan?

    Iñaki ez daukazuz ba nahiko lagun Facebookean, horren atzetik ibiltzeko?

    Neu bere saiatu naz ia lortzen dodan, jeje. Arazoa izena izan daiteke. Leopoldo, Borja edo Gustavo izeneko lagunak gehiago guztatzen jakozala uste dot...

    ResponderEliminar
  4. Esan nion Bontxiri "oraindik" ez nintzela bere lagun baina mezu pribatua igorri nion.

    Eta zeurea ere ez naiz oraindik, Gontzal ;-)

    ResponderEliminar
  5. Jeje Iñaki badau hori konponduta neure partetik beintzat... edo hori uste dot, Iñaki Murua asko badago feisbukean eta!

    ResponderEliminar

Publicar un comentario

Aquí también puedes colaborar tú.
Idatzi ere egin ahal duzu txoko honetan.